நான் மாட்டிய முகமூடி
வினை செய்துவிட்டது;
ஆம்
என் முகத்தோடு ஒட்டிக்கொண்டுவிட்டது;
எனது முகமே
முகமூடியாகி போய்விட்டது;
நானும்
முகமூடி மனிதனாகிவிட்டேன்!!!
கண்ணாடி பிம்பம்களில் கூட
எனது நிஜ முகத்தைப் பார்த்து
வருடங்கள் ஆகிறது ;
பொய்மையையும் போலிகளையும் கண்டு
நான் இனிமேல் ஓடி ஒளியத் தேவையில்லை
ஏனென்றால்
நான் அதன் மொத்த உருவம் போல
சித்தரிக்கபட்டுவிட்டேன்;
இது விதியின் விளையாட்டு
என்றே சொல்வேன்
ஒவ்வொரு வினைக்கும் ஒரு தீர்வுண்டு
தீர்வை நோக்கி செல்லும் என் தேடல்
வழிநெடுகிலும்
நிறைய வலிகள் வேதனைகள் அவமானங்கள்
வாரிக்கொடுத்தது
எப்படி இருந்தாலும் எனது தேடலின் வேகம்
சீராக போய்க்கொண்டு இருக்கிறது ...........
